Tarefas páxinas 240-254
1.- Describe moi brevemente o cambio no impacto ambiental do ser humano ó longo da historia
Páxina 240, punto 1.1, 1.2 e 1.3. Identificar os tres tipos de sociedades (cazadoras-recolectoras no Paleolítico, agrarias no neolítico e industriais a partires do século XIX), indicando que as dúas primeiras non tiveron impacto significativo no medio ambiente, mentres que a sociedade industrial si provocou graves problemas ambientais.
2.- Describe os problemas do solo e a que tipo de países afectan en maior medida
Erosión: desgaste do solo provocado por deforestación e prácticas agrícolas indebidas. Afecta a todo tipo de países.
Desertificación: perda da capa fértil do solo. Provocada por erosión moi grave e falta de auga. Afecta a todo tipo de países, pero en maior medida os subdesenvolvidos.
Contaminación do solo: vertido de substancias químicas nocivas procedentes da agricultura e a industria. Máis grave en países subdesenvolvidos por ausencia de lexislación ambiental e por ser usados como vertedeiros dos países ricos.
3.- Explica que é o quentamento global e por que se produce
O efecto invernadoiro prodúcese debido a que o CO2 e outros gases expulsados á atmosfera polas industrias e algúns medios de transporte forman unha capa artificial que retén a calor emitida pola terra ó ser quentada polo sol. Polo tanto, esa calor, que normalmente se expulsaría fora da atmosfera terrestre, se queda dentro, e provoca que as temperaturas aumenten gradualmente, provocando cambios no clima e no ecosistema, coma o incremento das secas e o aumento do nivel do mar pola fusión do xeo polar.
4.- Explica que é e que consecuencias ten a deforestación
É a desaparición da cuberta vexetal, debido as queimas e cortas masivas de árbores. Provoca o aumento de dióxido de carbono na atmosfera, diminúe a humidade, incrementa a erosión e provoca a extinción de especies animais e vexetais.
5.- Cita catro parques nacionais españois e tres parques naturais e un monumento natural galegos
Información no mapa da páxina 253 (parques nacionais) e na páxina 254 (parques naturais e monumentos naturais galegos)
Tarefas páxinas 262-281
1.- Explica como se calcula o Índice de Desenvolvemento Humano e que mostra
Combina o dato de PIB por habitante (riqueza do país) con datos educativos (alfabetización, anos de educación obrigatoria...) e a esperanza de vida dentro de un país. Mostra a calidade de vida dentro dun país, e é máis completo que o PIB por si só. Por exemplo, un país moi desigual, con a maior parte da poboación na pobreza pero uns poucos moi ricos pode ter un PIB medio. Sen embargo, o seu IDH será máis baixo e mostrará unha imaxe máis real.
2.- De acordo cos mapas das páxinas 264 e 265, cita os principais problemas de EEUU, Marrocos, Rusia, India e España
EEUU: pegada ecolóxica moi alta, impacto moi negativo no medio ambiente
Marrocos: baixa taxa de alfabetización, poucos médicos por habitante, liberdades limitadas
Rusia: graves carencias de liberdades, goberno autoritario
India:parte da poboación subalimentada, escasa alfabetización, falta de médicos e auga potable
España: Pegada ecolóxica media
3.- Explica as diferencias nos catro aspectos fundamentais entre países de desenvolvemento alto, baixo e emerxente
| PAÍSES ALTO DESENVOLVEMENTO | PAÍSES BAIXO DESENVOLVEMENTO | PAÍSES DESENVOLVEMENTO EMERXENTE | |
| PIB PER CÁPITA | Elevado, con economía baseada nas TIC e alto consumo | Reducido, con economía agraria e baixo consumo | Reducido, pero con capacidade de consumo moderado |
| CLASE MEDIA | Moi estendida, con acceso amplo a educación e sanidade | Case inexistente; minoría moi rica e o resto sen nada | Crecendo, pero aínda reducida |
| SISTEMAS POLÍTICOS | Democracias consolidadas | Ditaduras na maioría dos casos | Democracias recentes e as veces limitadas |
| PEGADA ECOLÓXICA | Alta, pero con crecente preocupación medioambiental | Baixa | Crecente polo crecemento acelerado |
4.- Explica brevemente as causas internas e externas das diferencias no desenvolvemento
Causas internas do subdesenvolvemento:
- Condicións naturais: os climas dos países subdesenvolvidos son as veces extremos ou con frecuencia de catástrofes
- Falta de recursos: sen capital, man de obra educada, tecnoloxía
- Crecemento da poboación por encima do crecemento dos recursos
- Inestabilidade política: guerras, golpes de estado, corrupción...
Non son regras ríxidas: hai países con clima extremo ricos e viceversa, por exemplo
Causas externas do subdesenvolvemento:
- Colonización: moitos países foron dominados por décadas por grandes potencias, que limitaron o seu desenvolvemento económico por razóns egoístas
- Débeda externa: os países subdesenvolvidos necesitas pedir cartos prestados. Os custos de devolvelos impiden as inversións necesarias para mellorar a economía
5.- Sinala as diferentes rexións europeas dende un punto de vista socioeconómico, e cita rexións especialmente pouco desenvolvidas (mapa páxina 273)
Punto 5.2 e o mapa da páxina 272. Definir o Pentágono, arco alpino, arco mediterráneo. O resto son rexións menos dinámicas
6.- De acordo cos gráficos da páxina 274, explica as diferentes discriminacións que sufre a muller
- Brecha de xénero no emprego (máis paro entre mulleres que entre homes), salario (menos cartos para as mulleres por traballar), na repartición de tarefas (as mulleres dedican moito máis tempo) e no acceso a altos cargos (moitos máis homes que mulleres)
7.- Cales son as tres comunidades máis avanzadas economicamente en España? e as tres menos avanzadas?. Razoa a túa resposta
Gráficos páxina 275.
Máis avanzadas (menor paro, menos risco de pobreza, maior PIB): Madrid, País Vasco, Navarra.
Menos avanzadas (maior paro, máis risco de pobreza, menor PIB):Extremadura, Andalucía, Castela-A Mancha (pode aceptarse tamén Murcia o Canarias)
